Sètz al Barri Biais de Viure- Carrièra Istòria Tornar a la Rèire-Pagina

Istòria d'Occitania

Fins al sègle VI

Cap a la Dintrada del Siti ? History in English ? L'histoire en Français ?
Compendi Edat Antica Edat Barbara Edat Classica

L'Òme apareguèt en Occitania tre la tempora neulitica, çò qu'es atestat per los emplaces arqueologics nombroses que se tròban dins lo Nòstre Païs. Totes los estudis que se fan en França, se fasent en cò nòstre vos remandi als obratges eisistents, bòrd que los emplaces franceses son pas qu'en Occitania. Mai que mai, las poblasons essent movedissas en màger part, aquela Pre-istòria es comuna a una part bèla d'Euròpa.

-

Occitania e Miegterrana a l'Edat Antica.

1 - Los Grècs e los Cèltes

L'Istòria d’Occitania foguèt pastada en màger part per l'Istòria del monde miegterranenc. Los primièrs contactes se fan per d'escambis de merça amb los Fenicians (que venián de Liban) e se perlóngan tre lo sègle V Avanç J.C., amb la civilisacion Gregala que subrànçan los escambis colturals e comercials al Ponent de Miegterrana. Las vilas de Marselha, d'Agde e de Niça son creadas per eles, e mai que siàgan puslèu de comptadors comercials qu'autra causa, los primièrs elements de coltura classica son ja entrodusits per los monuments, los temples e las escalpraduras. D'autre latz los Cèltes, ja son en Occitania e dins gaireben tota l'Euròpa dempuèi lo sègle X Avanç J.C., e en constituir lo primièr poblament "aborgalit" van enfluençar prigondament Occitania, en li adusir las tecnicas del fèrre, e de l'aurivelariá, fins a un biais de viure que s'esperlonga encara, son lo Primièr Solat Constitutiu del bastiment de l'identitat Occitana. De fach los Cèltes son de vagants, vivent en bodolhs pichòts, en caçar e pescar, e en bastir d'ostals temporaris, vívon en comenjança amb lo campèstre, quora fan pas la guèrra, veire, per eissemple, Brennus e son famós "Vae victis !", que pren Roma en 390 Avanç J.C. Pericles, rei e sosteneire dels Artistes Grècs
Cap de Pagina


Occitania en 100 Avans J.C.


Se dis totjorn qu'Occitania foguèt mens celtejada que França del Nòrd, es plan vertat, mas coma foguèt pas coma ela, des-celtejada prigondament pels Germans, e subretot los Francs, coma lo veirem mai tardierament, ne garda una mèrca mai prigonda, veire las tradicions actualas de la caça e de la pèsca, las diccions coma "bragas", "carri" o "cervesa", o l'emmerçament dins la musica de las cabretas e de las boas.

 

Cap de Pagina

2 - Los Romans

Mas los Romans, per justament s'aparar, entre autres, dels Cèltes, van botar en plaça una endreçança sociala e politica desconeguda, e crear lo conceb d'Estat e enlargar lo conceb de ciutadan. Fins aquí, al mens pels Grècs e los Romans d'un biais escient, la realitat geugrafica e terradoriala es la Ciutat. Mas un còp l'endreçança en plaça, e totjorn per paur dels envasidors van espandir lor Nautoritat d'en primièr suls Grècs e los Cartagineses (entre 200 e 150 Avans J.C.), puèi suls Cèltes d'Occitania del Sud (Provença e Lengadoc, cap a 125 Avans J.C) e los del Nòrd, Arvernes e Rutenes ( Auvernha e Carcin) amb Cesar ( 52 Avans J.C.). De notar qu'a Alesia, los Cèltes foguèron desfaches pels Romans amb l'ajuda dels Germans.
Mai tardièrament, los Romans endréçan l'esplechança intensiva de las ressorgas campalas e mineralas d'Occitania e traçon un ret estradièr que fa créisser l'afan economic e l'urbanisament.
Coma los Cèltes adúson als Occitans (que lo son pas encara completament) lors seus saupre-fars, e lors seus concebes. D'en primièr, lo bailejament, l'endreçança sociala e las leis escrichas, e subre tot "last but not least", lo Latin amb sa gramatica e sa conjugason. D'una importança segura per nos, coma per totas las lengas latinas, vaquí lo second Solat Constitutiu del bastiment de l'identitat Occitana.

La maquina de guèrra dels romans La maquina de patz romana

-Cap de Pagina

Occitania a l'Edat Barbara.

Istòria occitana (la seguida)

Tornar a la Rèire-Pagina
Soi tròp pichona, cricatz de naut ! Sus CiutatCity podètz ja, comandar de libres e d'autras causas al Mercat de CiutatCity, per viure del Biais Occitan en Occitania, far la fèsta e saber ont sortir, conéisser lo Novelum del siti d'Occitania, e perqué pas, aprene l'Occitan de la Vila e de l'Avenidor ? Rejonhètz la vòstra cultura e juntatz-nos per fargar los medis necites per vos, los vòstres e l'Avenidor. Soi tròp pichona, cricatz de naut !

CiutatCity

Send us a message, if you are involved in Occitan Culture, if you like this presentation, and give us your point of view about it, at our e-mail.