Sètz al Barri Biais de Viure- Carrièra dels Trobadors Quitar los Trobadors ?

Los Trobadors

Devistal

Cap a la Dintrada del Siti ? The Troubadours in English ? Les Troubadours en Français ?
1 - Los trobadors, un moviment prigond e potent.
2 - D'originas socialas variadissas
3 - D'òbras ricas e plenas
4 - Los genres mairals del Trobar
5 - Una enfluença oportuna e prigonda
Jòia, Jovent e Amor - (gaug, jovença, e amor) vaquí las diccions mairalas dels mèstres europencs de la tròba lirica de l'Edat Mejana, que balhèron a la Lenga Occitana, las seunas Letras de Noblesa. L'estrambòrd que caupan aquelas diccions, nos atràs avuèi encara, cap a los qu'èran de fach, de fasedors-composidors-enterpretadors, davanç ora. La Comtessa de Día - Trobairitz

1 - Un moviment prigond e potent.

Los Trobadors fan pantaissa fòrça monde, mas las coneissenças que n'an son foscas. Se pensa qu'èran qualques cantaires freules e anojós, qu'anàvan de castèl en castèl, alavetz qu'èran un fum de creadors de Tròba Cantadoira, letrats e afogats. Per eles las diccions e la musica son non-despartidoiras.
Lo mai ancian que coneissèm es Guilhèm de Peitièus, qu'èra a l'encòp, Comte de Peitièus, e Duc d'Aquitania, e qu'èra al Sègle XI, mai potent que lo Rei de França. Apuèi el, pendent dos sègles, una tièra somtuosa de mai de 460 deguns va cambiar l'anar del monde ponental. Totes s'espríman dins una Lenga Literaria rica e ennovanta, la mai anciana d'Euròpa, l'Occitan. Nòstra Lenga contemporana, n'es pas qu'un rebat, a mai se balha una bona idèa de sa riquesa espressiva. AntanDante Allighieri e Petrarca la remiràvan e l'envejàvan.

Cap de Pagina Trobador

2 - La classa sociala del Trobador

Aquel bodolh nombrós se despartiguèt sus uèch gendrança de long, del sègle XI al sègle XIII, e es originari d'una Occitania larga, dels Vals Occitans d'Italia a la Catalonha Espanhòla. Autra particularitat son de totes los mitans socials. S'i trapa de Reis, de Comtes, de Barons, de religioses, de comerçants, o de mesteirals. Lor idèa novairitz es de remplaçar la fiseltat al senhor, per la fiseltat a la Domna (la Dòna), la femna idealizada o pantaissada. Aquò cambiarà la Civilisacion Europenca prigondament e decidivament.

Manescrich de Bernat de Ventadorn
Cap de Pagina

3 - D'òbras ricas e plenas

Mas s'aquò n'es l'idèa mestressa, es luènh d'èsser la sola. A la gròssa, lors òbras caupan una dotzenada de genres que van de las cançons, davancorreiras de las cançons modernas, als sirventesses. De fach, lors seunas tròbas pertòcan de domenis socials e personals divèrses, e van de l'Amor a la Politica.
Malgrat una desestança totala de volontat per las servar, de la màger part dels Occitans eles meteisses, nos demòra mai de mila Tròbas e de tres cents melodiás, dins de manescriches, los "Cançonièrs", qualques uns fòrça sòbris e d'autres subreluissiós.
Un d'aqueles precioses libres foguèt fach pel fraire del rei Loís IX.

-

4 - Los genres mairals del Trobar

Un siti suls Trobadors ? Se ne vesètz qu'un deu èsser aquel
Cap de Pagina Trobadors

5 - Una enfluença oportuna e prigonda

Aparéisson just apuèi l'acabament dels envasiments barbars, ont la trista vida castelana demanda d'èsser melhorada per de destrigaments novèls. Van balhar lo ton a la vida cortesana, e créan lo biais de viure refinat de las corts senhorialas. Porgiguèron al Monde non-religiós, de valors liricas, que serviran de modèle a l'Euròpa tota. Coma mudàvan sovent de cort, lo dardalhament de lor òbra tota, s'espandiguèt per Euròpa, ont foguèron los mesteirals d'un biais de pensar, que ne faguèt una vertadièra comunautat de civilisacion.

Tornar a la Rèire-Pagina

-

Soi tròp pichona !  trapèt las entresenhas e fòrças enlusidas d'aquel compendi, dins lo primièr tòm de "Istòria e Antologiá de la Literadura Occitana" de Robèrt Lafont, (en Francés), editat en cò de "Presses du Languedoc" a Montpelhièr, que vos podètz far mandar.
-
Ieu, soi tròp pichona !

Sus CiutatCity podètz ja, comandar de libres e d'autras causas al Mercat de CiutatCity, per viure del Biais Occitan en Occitania, far la fèsta e saber ont sortir, conéisser lo Novelum del siti d'Occitania, e perqué pas, aprene l'Occitan de la Vila e de l'Avenidor ? Rejonhètz la vòstra cultura e juntatz-nos per fargar los medis necites per vos, los vòstres e l'Avenidor.

Ieu, soi tròp pichona !

CiutatCity

Send us a message, if you are involved in Occitan Culture, if you like this presentation, and give us your point of view about it, at our e-mail.