Sètz al Barri Biais de Viure- Carrièra dels Catars Tornar a la Rèire-Pagina

La Religion Catara 1

En qualques linhas

Cap a la Dintrada del Siti ? L'histoire en Français ?
- 1 - Mite o realitat ? -
2 - Sos Principis
3 - Son Enlogament
4 - Son Istòria
5 - Son Esradigament
6 - Son Epilòg
-

1 - Mite o realitat ?

Lo contèste Social e Religiós.

La civilisacion Occitana, o Ramondina s'espandissiá al sègle XII en pel Sud de França, lo Nòrd-Èst d' Espanha e lo Nòrd-Oèst estrèm d'Italia.
 Religava las provinças de Lengadòc, d'Aquitania, de Gasconha, d'Auvèrnha, de Lemosin, de Dalfinat, de Catalonia e dels Vals Alpins Italians. Aquestas, desparièras per lor seu enlogament geugrafic, porgísson encara avuèi de caractièrs analògs: luòcs de passatge aculhiguèron de civilisacions, succedivas, que daissèron de vestitges, dobriguèron los esperits, en los pre-dispausar a de perspectivas nòvas, enriquiguèron la pensada e los biaisses de pensar. A la debuta del sègle XII, Tolosa es una ciutat europenca que gausís d'un tant grand prestigi coma Venesia e Marselha.
 Lo catarisme se vòl èsser un tornar a l'escletesa dels primièrs crestians.
 Lo desòrde de la Glèisa encausa una confusion esperitala que tresvira los esperits. La religion nòva li encara un evangelisme contraclergal luchador contra la podença de Roma...
-

Los capcièrs del Catarisme.

Aquesta religion es eissida d'unes corrents del crestianisme primitiu, e enfluençat per las teuriás nosticas e maniqueanas (Bogomils). Lo capcièr del nom Catar vendriá de "katte" sinhifica a l'encòp "gat" e "eretge" en alemand mejanenc. Los catars se nomenàvan bons crestians, los cresents los sonàvan Bons-òmes, bonas-femnas o amics de Dieu (trabucada literala de "bogo-mil").
Cap de Pagina
Montsegur, ciutadèla del lorditge
-

2 - La Religion Catar, los seus Principis

Es coneguda en latin tras unes tèstes liturgics (lo Libre dels dos Principis, lo Ritual de Florença) e en occitan, per los tornacomptes de contravèrsa dels teulogistes catolics e per los escriches judiciaris de l'Enquisicion.

-

Lo Ben e lo Mal.

La religion Catara es dualista. Lo Dieu suprèm es unenc; es sorga de Ben e d'Amor, e non pòt de cap de biais, aver creat lo Mal. Satan se pòt pas emplaçar al nivèl de Dieu; los dos principis "Mal" e "Ben" son pas egals. Dieu sol, ten l'Èsser. En contrast s'emplaça lo "non-èsser", lo Nient. Lo Mal apareis e se desenvolopa pel temps, se manifèsta coma negament del Ben e de la Perduradora. S'enrasiga dins lo temps mas tanben dins la matèria. Lo Mal es senglament desgrasament, desapesatge, se descondent pel Monde de la Barreja, amb lo Ben, la lutz e la Sornura. Doncas lo Reialme de Dieu es pas d'aqueste monde, d'ont se cal destacar. Lo Mal tornarà al non-res al lindal de la Perduradora, en daissar lo monde temporal que depend de Satan. Coma l'òme perten al monde de la barreja, Dieu lo pòt vistalhar, modificar son endrechièra e atal lo salvar.

Cap de Pagina

Còs, Anma, Esperit.

L'òme es còs, anma e esperit. En se destacar de la matèria, en se des-crear, permet al seu esperit de créisser e de s'asunar al Diu-Esperit, e en se sarrar de l'eternitat, escapa al Mal-Non-res. Se l'anma se pòt afardolir, l'esperit s'escapa. Alavetz, es en se destacar del monde peridor e de la carn que l'òme vendrà cabencièr d'accedir al spiritual, d'aquí la necièra d'una ascesa greujancièra del còs e de l'anma. L'esperit assegura lo trasmudament del còs, l'anma se sosmet a l'esperit per èsser trasmudada, l'esperit necita l'anma per s'enauçar. Lo còs es una preson qu'embarra l'òme dins lo cicle de las renaissenças. Sens la mondament de l'anma tras la vida terrenca, l'esperit pòt pas encapar l'eternitat.
-

La liturgiá: Batejament e Consolament.

L'Anma, esperit casut per mesgarda pel monde material e temptat per Satan, pòt pas tornar prene la seuna plaça prèp de Diu qu'en aténher la vertat suprèma revelada als òmes pel Crist tras lo Batejament. Puèi, l'ascesa alestís la desliurança de l'anma, manca d'aquò, passarà dins un autre còs (St Pau). Alavetz lo batejament Catar es un rite de trasmetença de la coneissença. Consistís en impausar las mans : es lo batejament pel fuòc (contrariament al batejament per l'aiga dels catolics) que los Catars sonan consolament. Lo consolament es a l'encòp, batejament, e estremoncion, per los cresents, e ordenacion per los Bons-Òmes. Bailejat per un membre de la clerguiá, Bon-òme o Bona-Femna, lo consolament consistís en un porgiment del Novèl Testament, una legida de l'Evangili de St Joan, de recontaments de pregariás (Benedicté, Adoremus Pater). Non pòt èsser bailejada qu'a de moridors essients.
Çaquelà, per cas de resegues de mòrt violenta o subte, podiá èsser precedit de la
convenença, lo cresent englossava atal la seuna volontat de recéber lo consolament pendent lo comat. Se se curava podiá venir Bon-òme, mas i èra pas cogit. D'unes se daissèron morir d'aganiment (l'endura), d'autres se cogissián al reclusatge. Los autres tornats simples cresents, podián recéber un consolament novèl al cap de lor vida.
Cap de Pagina

La règla Catara.

La règla fa obligament als Bons-Òmes e Bonas-Femnas de trabalhar per viure. Fan tota mena de mestièrs mas an sovent una activitat en rapòrt amb lo teissatge. Tot manjar de capcièr bestial lor èra devesats (levat lo peis). Junàvan tres còps la setmana al pan, e a l'aiga, e fasián tres caresmas l'an. La continença tanben, es una règla absoluda : l'acte de procreança es un atrobament diabolic astrat per atardivar la desliurança de las anmas.
-

La clerguiá Catara: Los Bons-Òmes

Los Catars dévon seguir regdament los principis evangelics (non-violença), e rebútan la justicia seculièra. Quora una garrolha sortís, demàndan l'aubiratge d'un Bon-Òme. La vilanilha es consirada coma un pecat fòrça grèu. Lo cresent simple, el, sometut a l'empresa del Mal, pòt viure normalament, mas deu aver la , estesar a la vertut, e escotar las presicanças dels Bons-Òmes.
-

Endreçament Religiós e Social.

La glèisa Catara es devesida en bisbats: Agenés, Tolosan, Albigés, Carcassés ect.... Cada bisbe es ajutoriat de dos coajudors e de diagues, totes elegits per las comunautats de Bons-Òmes e de Bonas-Femnas. Los Bons-Òmes e las Bonas-Femnas espostòlan als fisèls los precèptes de la religion per la presicança viatgenca (publica o escondissa). La glèisa Catara, es complidament plenorada a la vida sociala e economica. Ten pas cap de poder temporal, ten nada terratenença, ni nat tutoratge d'òrde taussal o social. Çaquela aquesta glèisa es rica dels dons dels cresents e del rendent del trabalh dels Bons-Òmes.
-Cap de Pagina

3 - La Religion Catara, lo seu enlogament

-
La Seguida ?
Cap de Pagina
Tornar a la Rèire-Pagina-
-
Je suis trop petite, cliquez en haut ! Sus CiutatCity podètz ja, comandar de libres,  de disques, de berrets, des camisets, de bandièras e mai al Mercat de CiutatCity, per viure del Biais Occitan en Occitania, e  se volètz, aprene l'Occitan de la Vila e de l'Avenidor.
Rejonhètz la vòstra cultura e juntatz-nos per fargar los medis necites per vos, los vòstres e l'Avenidor.
Je suis trop petite, cliquez en haut !

Escrivètz-nos,
Vos escotam !

Send us a message, if you are involved in Occitan Culture, if you like this presentation, and give us your point of view about it, at our e-mail.