Sètz al Barri medis - Carrièra dels Cavalièrs Catars Tornar a la Rèire-Pagina

Cavalièrs Catars

Perqué ?

Cap a la Dintrada del Siti ? The medias in English ? L'histoire en Français ?
Per que sèm de mai en mai, a pensar que la lenga, a l'ora d'ara, se trasmet pas sonque per l'Escòla o la gent, mas majorament e de mai en mai per los medis d'ara, la televista, la radia, inter-ret, los jòcs videus, la musica els...

Manquèrem coma Occitans, lo revolum de la premsa, mercés a la censura reiala francesa, lo revolum de 1789, mercés als Jacopins, lo revolum de la premsa periodica, mercés als Nmpp, lo revolum de la radia, mercés en 1930 a Tino Ròssi, e en 1980 a NRJ, Sud Radia, TMC e la clica, lo revolum de la televista, mercés a l'O.R.T.F., a l'ora ont las termièras se dobrisson, es temps de s'afanar avans que siaga tròp tard, mancarèm pas aquesta escasença.

Per parla la lenga, la cal ausir
Un pregit de Televista es a nàisser,
L'estudi n'es ja fach, estrategia, previsionals, chifrages, objectius: Lo dorsièr es clavat.
Nòstras tòcas, per ara, d'un band, trapar e fargar d'oras de program de qualitat, se pas a res-non-còst, al mens al melhor mercat podedís, d'autre band constituir un bodolh de premida suls poders publics e èsser un aplech de promocion e de religança.
Vaquí Telé grisVaquí Telé d'Oc
Cap de Pagina Cavalièrs
Qual sèm ?
Associason Lei 1901 "Los Cavalièrs Catars" creada en Febrièr 1998, es una associason de sosten al pregit de Televista R.O.C. e autres se necite.
Nòstra tòca primièra es de trobar de mejan de congreament d'emetudas de televista de qualitat en Occitan, o d'emetudas reparladas, o sotescrichas en Oc.
Nòstra tòca segonda es de crear l'eveniment, e de far parlar del pregit, de ne far la promovença per totes los mejans legals.
Nòstra tòca tresena es de prene contactes e trapar d'aligats o de sosten pel pregit, çò qu'es una activitat de "lobilhin" (lobbying) al prèp de l'aministrança publica Francesa o Europenca.
Enfin tòca darrièra, mas pas la mens importanta, seretz de televistaires privilegiats e auretz lo ròtle d'aseimar las emetudas e d'en balhar lo vòstre esvalorament.
Cap de Pagina Cavalièrs
De que far concretament ?
S'aquò vos sembla jogador e se pensatz qu'i podèm arribar amassa,
S'avètz comprés que jamai qualqu'un lo farà pas a la nòstra plaça
Nos podètz ajudar en:
- Nos adúser vòstre saupre-far dins l'audivistal, o de contactes dins lo mitan audivistal
- Nos adúser vòstre saupre-far dins de rodòls atanhençats o necite (comptabilitat, gestion, segretariat, promovença, financièrs o autres)
- Nos adúser vòstre escotisson coma sòci dels Cavalièrs Catars, e parcenejar als "afars mediatics" a venir, aquel escotisson es de 200 Fr o-ben 100 Euro per un an. Escotisson menim per aver una vida d'associason condrecha, butletins regulars , mejans de se recampar e de trabalhar, viatges els...
Tornar a la Rèire-Pagina-

Per nos mandar vòstre escotisson de sosten

" Cavalièrs Catars"
31 500 - TOLOSA
Occitania - France

Dotze cavalièrs dins la nuèch

Cap de Pagina Cavalièrs
Per nos contactar
 
CavalièrsCatars

Send us a message, if you are involved in Occitan Culture, if you like this presentation, and give us your point of view about it, at our e-mail.