Sètz al Barri Biais de Viure - Carrièra de la Cocariá Tornar a la Rèire-Pagina

Lo Caçolet Reial 1

Recepta per 4 deguns.

Cap a la Dintrada del Siti ? History in English ? L'histoire en Français ?
1 - Las Matèrias
2 - La Recepta

3 - Los Vins

4 - Lo "gran d'Alh"

Cal saupre que se tròba mai d'un biais de far "los" caçolets, se pòt far sonque al pòrc, o al confit d'auca, o al confit d'anet, amb tomata o sens, aquí es una recepta "reiala", amb pòrc e confit d'auca, vos balharem benlèu un jorn, la recepta de l'ancessor del caçolet, que se podriá sonar, a bon drech anar, "caçolet a la romana", mas aquò es una istòria mai ...

-

Las matèrias
(De que cal ?)

  1. 1 liura e mièg de mongètas blancas bèlas.
  2. 4 bocins d'auca confida
  3. 250 g de salsissa de "Tolosa"
  4. 200 g de codena fresca
  5. 150 g d'esquina de pòrc.
  6. 150 g de carnsalada.
  7. 2 cebas, 1 tomata bèla
  8. 2 clavèls de geròfle, 2 gran-d'alhs, d'èrbas (faribola, romanin e laurièr) e de sal.
  9. 3 culhièrs de graissa (d'auca se-que-non de pòrc)

-

La recepta
(Consí far ?)
D'en primièr far trempar las mongetas unas 6 oras, segon las mongetas, puèi las far cuèire plan planet, dins una ola de bolhon (ceba picada de clavèls de geròfle, alh, èrbas, leugièrament salat) Quand son quasi cuèchas, las daissar desgotar. Far sautar a la graissa dins la padèna, l'esquina de pòrc e la carnsalada abocinada, e la salsissa. Levar la carn de la padèna, e desprene amb una mièja ceba, e la tomata, abocinadas. Prene un plat de forn o mai plan encara, una terralha (ancuda), fonsar amb las codenas, e botar dessús las mongetas, abarrejadas amb la  carn, la salsissa e los ligumes, i ajustar lo confit d'auca, e daissar cuèire lo mai de temps podedís, puslèu al forn, se-que-non a fuòc suau. Desbrembar pas de banhar amb lo bolhon, d'aquí entre aquí, per pas daissar secar.

Cap de Pagina

Los Vins aparelhats
(De que beure ?)
Servir amb una cantina de vin cossat e carpentat (Corbièras, Còsta de Ròse, o perqué pas Borgonha ?).a bona tempradura, aquò vai de se.

-

Lo "Gran d'Alh"
(Lo "quicòm" de mai)
Segon la sason, vos aconselham cada tres o quatre culheradas de caçolet, de cruscar un bocin de cebeta, o de pebron fresc, per vos recomençar las papilas entre doas.

-Cap de Pagina

Tornar a la Rèire-Pagina

Per véser totes los artícols del
Vivètz en Occitan !
Cricatz !

Sus CiutatCity podètz ara escotar de Musica Occitana, e comandar de Libres, de DisqueMats, de Camisets e de Bandièras, al Mercat de CiutatCity, per viure al Biais Occitan en Occitania. E perqué pas aprene l'Occitan de la Vila e de l'Avenidor ? Rejonhètz la vòstra cultura e juntatz-nos per fargar los medis necites per vos, los vòstres e l'Avenidor.

Tròp pichoneta ! Picatz las planetas del naut !

-

CiutatCity

Send us a message, if you are involved in Occitan Culture, if you like this presentation, and give us your point of view about it, at our e-mail.